თხილის გოზინაყი

მასალა:

თხილი 500გრ.

თაფლი 500გრ.

შაქრის პუდრა 1–2 ს/კ.

მომზადება:

თხილი მოვხალოთ მშრალ ტაფაზე, ნელ ცეცხლზე, გავაცალოთ კანი და დავჭრათ წვრილად. თაფლი ჩავასხათ თუჯის ან ალუმინის ქვაბში, დავადგათ გაზქურაზე დაბალ ტემპერატურაზე და წამოვადუღოთ. თაფლის მასა ხის კოვზით ვურიოთ, როცა წამოდუღდება და აქაფდება ცეცხლიდან გადმოვდგათ, შევაგრილოთ და ისევ გაზქურაზე დავდგათ. ესე გავიმეოროთ 2–3–ჯერ რომ თაფლი კარგად შესქელდეს, დავამატოთ შაქარი, ცოტახანში დავამატოთ დაჭრილი თხილი და გამუდმებით ვურიოთ. 4–5 წუთის შემდეგ როცა თხილს ცოტა ფერი შეეცვლება ქვაბი გადმოვდგათ გაზქურიდან. მომზადებული მასა მაშინვე გადავიტანოთ ხის სველ დაფაზე,  ცომის გასაბრტყელებელი დავასველოთ და გავაბრტყელოთ მასა ან ხელით გადავანაწილოთ დაფაზე, გვერდები შევუსწოროთ და სველი დანით ცხელივე დავჭრათ სასურველი ზომის ნაჭრებად. გოზინაყის ნაჭრები დავაწყოთ თეფშზე და მივიტანოთ სუფრაზე.