ტორტი „უკრაინოჩკა"
მასალა:
კვერცხი 5ც.
შაქარი 1ჭიქა
პურის ფქვილი 1,5 ჭიქა
სოდა 1ჩ/კ.
ძმარი 1ს/კ.
ზეთი 4ჩ/კ.
თაფლი 2ს/კ.
ვანილი 5გრ.
კრემი:
კარაქი 250გრ.
მოხარშული სგუშონი 1 ქილა.
მინანქარი (გლაზური):
კარაქი 50გრ.
კაკაო 3ს/კ.
შაქარი 0,5 ჭიქა
რძე 1 ს/კ.
ვანილი გემოვნებით.
მომზადება:
კვერცხის
ცილა და გული განვაცალკევოთ ერთმანეთისგან. ცილა ავთქვიფოთ მიქსერით გათეთრებამდე
(კვერცხის ცილა უნდა გადაიქცეს თეთრ ქაფად), შემდეგ ისე რომ მიქსერი არ გავაჩეროთ ნელ–ნელა
ჩავყაროთ შაქარი და ავთქვიფოთ, შემდეგ სათითაოდ ჩავყაროთ კვერცხის გულები და კვლავ
ვთქვიფოთ მიქსერით, ბოლოს დავამატოთ ვანილი, სოდა ძმრით ათქვეფილი, თაფლი, ზეთი, ფქვილი
და ვურიოთ ხის კოვზით ერთიანი მასის მიღებამდე. მომზადებული მასა ჩავასხათ გაცხელებულ,
პერგამენტჩაფარებულ და ცხიმწასმულ გამოსაცხობ ფორმაში და გამოვაცხოთ აირღუმელში. (ზემოთ
აღნიშნული მასალით გამოვაცხოთ მეორე ბისკვიტიც). გამომცხვარ ბისკვიტს წავუსვათ მომზადებლი
კრემი, დავაფაროთ მეორე ბისკვიტი, კვლავ წავუსვათ კრემი და მოვასხათ მინანქარი.
კრემის
მომზადება:
კარაქი
ავთქვიფოთ გათეთრებამდე, შემდეგ დავამატოთ სგუშონი და კვლავ ავთქვიფოთ ერთიანი მასის
მიღებამდე.
მინანქარის
(გლაზურის) მომზადება:
კარაქს
დავამატოთ შაქარი, რძე, კაკაო, ვანილი და კარაგად ავურიოთ, შემდეგ დავდგათ გაზქურაზე
და როდესაც მასა წამოდუღდება გადამოვდგათ გაზქურიდან. მომზადების შემდეგ ცოტა შევაგრილოთ
და მოვასხათ ტორტს.
|