ტორტი „კორეა"

მასალა:

ფირფიტა:

პურის ფქვილი 4 ჭიქა

კვერცხი 2ც.

ნიგოზი (გატარებული) 1 ჭიქა

შაქარი 1 ჭიქა

თაფლი 3 ს/კ.

კარაქი 200გრ.

სოდა 1 ჩ/კ.

ძმარი 1 ს/კ.

დასანამი:

1 ჭიქა ტკბილი ჩაი+1 ს/კ. კონიაკი.

კრემი:

პურის ფქვილი 2 ს/კ.

კვერცხი 2ც.

შაქარი 1 ჭიქა

კაკაო 2 ს/კ.

რძე 2 ჭიქა

კარაქი 200გრ.

ვანილი გემოვნებით.

გასაფორმებლად:

გატარებული ნიგოზი და შოკოლადი გემოვნებით.

მომზადება:

ფირფიტის მომზადება:

კვერცხი  ავთქვიფოთ შაქართან ერთად, შემდეგ დავამატოთ გატარებული ნიგოზი, თაფლი, დარბილებული კარაქი, სოდა ძმრით ათქვეფილი, ფქვილი და მოვზილოთ ცომი. მომზადებული ცომი გავყოთ 4 ნაწილად, გავაბრტყელოთ და გამოვაცხოთ აირღუმელში 4 ფირფიტა.

კრემის მომზადება:

კვერცხს შევურიოთ ფქვილი და შაქარი, შემდეგ დავამატოთ თბილი რძე დავდგათ გაზქურაზე და ვადუღოთ შესქელებამდე, დუღილის ბოლოს დავამატოთ ვანილი, შემდეგ გადმოვდგათ გაზქურიდან, გავაცივოთ და ავთქვიფოთ კარაქთან და კაკაოსთან ერთად.

ტორტის აწყობა:

გამომცხვარი ფირფიტები დავნამოთ და წავუსვათ კრემი, ბოლო ფენაც დავნამოთ, წავუსვათ კრემი და მოვაყაროთ გატარებული ნიგოზი და გახეხილი შოკოლადი. მომზადების შემდეგ შევდგათ მაცივარში 2 საათით.