შოკოლადის ორცხობილა

მასალა:

პურის ფქვილი 3,5–4 ჭიქა

მარგარინი 200გრ.

თაფლი 6 ს/კ.

კვერცხი 2ც. (+1ც. წასასმელად)

კაკაო 2–3 ს/კ.

სოდა 1 ჩ/კ.

ნიგოზი 1/2 ჭიქა

დარიჩინი 1 ჩ/კ.

მინანქარი (გლაზური):

შაქარი 3 ს/კ.

კაკაო 3 ს/კ.

რძე 2 ს/კ.

კარაქი 1 ს/კ.

ვანილი გემოვნებით.

მომზადება:

მარგარინი გავადნოთ, დავამატოთ თაფლი, კვერცხი და კარგად ავურიოთ,  შემდეგ დავამატოთ კაკო, დარიჩინი, სოდა, ფქვილი, გატარებული ნიგოზი და მოვზილოთ ცომი. მომზადებული ცომი დავდგათ სიცივეში 15–20 წუთით, შემდეგ ცომი გავაბრტყელოთ 0,5–1 სმ. სისქზე, ამოვჭრათ ჭიქით ან სპეციალური საჭრელით პატარა რგოლები, დავაწყოთ ცხიმწასმულ გამოსაცხობ ფორმაზე, თითოეულს წავუსვათ ათქვეფილი კვერცხი და გამოვაცხოთ 150–180* ტემპერატურაზე გაცხელებულ აირღუმელში დაახლოებით 20 წუთის განმავლობაში. გამოცხობის შემდეგ წავუსვათ მინანქარი (გლაზური).

მინანქარის (გლაზურის) მომზადება:

შაქარს დავამატოთ კაკაო, რძე, დავდგათ გაზქურაზე და ვადუღოთ შესქელებამდე, შემდეგ გადმოვდგათ გაზქურიდან დავამატოთ ვანილი, კარაქი კარგად ავურიოთ, გავაცივოთ და შემდეგ გამოვიყენოთ.