შემწვარი კარტოფილი სოკოთი (სამარხვო)

მასალა:

კარტოფილი 500გრ.

მოხარშული სოკო (მანჭკვალა) 250გრ.

წითელი ხახვი 2 თავი

ნიორი 3 კბილი

ზეთი შესაწვავად

პილპილი და მარილი გემოვნებით.

მომზადება:

(თუ კარტოფილი ახალია მაშინ არ გავთალოთ და დავჭრათ 4–8 ნაწილად. ძველი კარტოფილის შემთხვევაში, გავთალოთ და დავჭრათ ხაზებად). დაჭრილი კარტოფილი შევწვათ ზეთში ნახევრად, შემდეგ დავამატოთ სოკო, მარილი, პილპილი და გავაგრძელო შეწვა 3–5 წუთით, შემდეგ დავამატოთ ნახევარმთავრისებურად დაჭრილი ხახვი, დანაყილი ნიორი, ავურიოთ და გავაჩეროთ გაზქურაზე მომზადებამდე. მომზადების შემდეგ მოვაყაროთ მწვანილი.