საახალწლო ორცხობილა

მასალა:

დაფქვილი ნუში 50გრ.

კარაქი 80გრ.

თაფლი (თხევადი) 50გრ.

კვერცხი გული 1ც.

პურის ფქვილი 170გრ.

ცოტა მარილი

დაფქვილი დარიჩინი, მიხაკი და მუსკატის კაკალი გემოვნებით.

მომზადება:

კვერცხის გულს დავამატოთ დარბილებული კარაქი, თაფლი, დარიჩინი, მიხაკი, მუსკატის კაკალი, მარილი და ავთქვიფოთ მიქსერით ერთიანი მასის მიღებამდე, შემდეგ დავამატოთ დაფქვილი ნუში, გაცრილი ფქვილი და მოვზილოთ ცომი, მომზადებული ცომი დავმრგვალოთ და შევინახოთ მაცივარში (საყინულეში) 2 საათით, შემდეგ ცომი გამოვიღოთ მაცივრიდან, დავანაწილოთ პატარა ბურთებად, თითოეულ ბურთს მივცეთ ძეხვის ფორმა, შემდეგ მოვამრგვალოთ და დავაწყოთ პერგამენტდაფარებულ გამოსაცხობ ფორმაზე. გამოვაცხოთ 180* ტემპერატურაზე გაცხელებულ აირღუმელში დაახლოებით10–15 წუთის განმავლობაში. გამოცხობის შემდეგ მოვაყაროთ შაქარის პუდრა.