პომიდორი ნიგვზით

მასალა:

პომიდორი 4–5ც.

ნიგოზი ან თხილი 50გრ.

კვერცხი 2–3ც.

დაფხვნილი ორცხობილა (სუხარი) 100გრ.

ნიორი 1 თავი

კამა, ოხრახუში, რეჰანი და მარილი გემოვნებით

ზეთი შესაწვავად.

მომზადება:

ნიორი და ნიგოზი გავატაროთ ხორცსაკეპ მანქანაში, დავამატოთ დაფხვნილი სუხარი, მარილი და კარგად ავურიოთ.  კვერცხი ავთქვიფოთ, დავამატოთ წვრილად დაჭრილი მწვანილები, მოვაყაროთ მარილი და ავურიოთ. პომიდორი დავჭრათ მრგვალად, ამოვავლოთ კვერცხიან მასაში, შემდეგ ნიგვზიან მასაში და შევწვათ კარგად გაცხელებულ ტაფაზე ზეთში ორივე მხრიდან.