პასკა

მასალა:

წყალი 300მლ.

რძე 300მლ.

კარაქი 100გრ.

მცენარეული ზეთი 2/3 ჭიქა

მარგარინი 1/2 პაჩკა

კვერცხი 10ც.

შაქარი 0,5კგ.

არაჟანი 250გრ.

საფუარი 1,5 პაჩკა (დროჟი პაკმაია)

არაყი 30გრ.

პურის ფქვილი დაახლოებით 2კგ.

ქიშმიში 300გრ.

თეთრი გლაზური:

კვერცხი 3ც.

შაქრის პუდრა 1,5 ჭიქა

ლიმონის წვენი 3 ს/კ.

მომზადება:

ღრმა ჯამში ჩავყაროთ 4 ს/კ. ფქვილი, საფუარი, 1 ს/კ. შაქარი, დავასხათ თბილი წყალი, გადავაფაროთ ტილო და შევინახოთ თბილ ადგილას 10 წუთით. შემდეგ დავამატოთ თბილი რძე, დარბილებული კარაქი, ზეთი, მარგარინი, კვერცხი, დარჩენილი შაქარი, არაჟანი, არაყი, ფქვილი დაახლოებით 1კგ., კარგად ავურიოთ (ცომს უნდა ჰქონდეს ალადის ცომის მაგვარი კონსისტენცია) და დავდგათ თბილ ადგილას 1 საათით (ცომის მასა უნდა გაიზარდოს 2–ჯერ). ამოსვლის შემდეგ ცომს დავამატოთ დარჩენილი ფქვილი და კვლავ შევინახოთ თბილ ადგილას 1 საათით. სანამ ცომი ამოვა ქიშმიშს დავასხათ ადუღებული წყალი, გავაჩეროთ 5 წუთი, შემდეგ წყალი გადავწუროთ, ქიშმიში გავასუფთავოთ და გავაშროთ. როდესაც ცომი ამოვა დავამატოთ ქიშმიში, გადავზილოთ და გადავიტანოთ პერგამენტჩაფარებულ ცხიმწასმულ გამოსაცხობ ფორმებში (ფორმებად შეგვიძლია გამოვიყენოთ ასევე მწვანე ბარდის ან ტომატ–პასტის რკინის ქილები) ფორმები შევავსოთ მაქსიმუმ ნახევრამდე, გავაჩეროთ 40 წუთი და შემდეგ გამოვაცხოთ აირღუმელში. გამოცხობის შემდეგ პასკებს წავუსვათ მომზადებული თეთრი გლაზური და მოვაყაროთ ფერადი მოსართავები.

გლაზურის მომზადება:

კვერცხის ცილა და გული განვაცალკევოთ ერთმანეთისგან ცილა გავაცივოთ, შემდეგ ავთქვიფოთ მიქსერით, დავამატოთ შაქარის პუდრა, ლიმონის წვენი და კვლავ ავთქვიფოთ.