ნამცხვარი „ნიგოზი"

მასალა:

მარგარინი 100გრ.

მაიონეზი 100გრ.

კვერცხი 2ც.

შაქარი 0,5 ჭიქა

სოდა 1 ჩ/კ.

ძმარი 1 ს/კ.

ვანილი გემოვნებით

პურის ფქვილი რასაც შეიზელს.

მომზადება:

კვერცხს დავამატოთ შაქარი, კარგად ავთქვიფოთ, შემდეგ დავამატოთ გამდნარი მარგარინი, მაიონეზი, ვანილი, სოდა ძმრით ათქვეფილი, პურის ფქვილი და მოვზილოთ რბილი ცომი. მიღებული ცომი გავყოთ პატარა ნაწილებად (გამოსაცხობი ფორმის ნაწილებად), გამოსაცხობი ფორმა კარგად გავაცხელოთ, წავუსვათ კარაქი და მოვათავსოთ თითოეულ ფორმაზე (ნიგვზის ფორმაზე) ცომი.  გამოვაცხოთ დაბალ ტემპერატურაზე, ოქროსფერი ფერის მიღებამდე. გამოცხობის შემდეგ გავაცივოთ გამომცხვარი ფორმები, ამოვავსოთ მოხარშული სგუშონით და შევაერთოდ ერთმანეთს.