ნამცხვარი „კალიფსო"

მასალა:

ქოქოსის ფენა:

კვერცხის ცილა 6.

შაქარი 6 ს/კ.

ქოქოსის ფანტელები 100გრ.

პურის ფქვილი 5 ს/კ.

ვანილი 0,5 ჩ/კ.

შოკოლადის ფენა:

კვერცხი 4ც

შაქარი 4 ს/კ.

პურის ფქვილი 4 ს/კ.

კაკაო 2 ს/კ.

გამაფხვიერებელი 0,5 ჩ/კ.

ვანილი 0,5 ჩ/კ.

კრემი:

რძე 5ს/კ.

კარაქი 250გრ.

კვერცხის გული (ყვითრი) 6ც.

შაქარი 150გრ.

რძე 5 ს/კ.

ვანილი გემოვნებით.

გალაზური (მინანქარი):

შოკოლადი 100–150გრ.

კარაქი 50გრ.

რძე 3 ს/კ.

ვანილი გემოვნებით.

ქოქოსის ფენა:

კვერცხის ცილა ავთქვიფოთ გათეთრებამდე, შემდეგ დავამატოთ შაქარი, ქოქოსის ფანტელები, ფქვილი და კარგად ავურიოთ. მომზადებული მასა მოვათავსოთ ცხიმწასმულ გამოსაცხობ ფორმაზე.

შოკოლადის ფენა:

კვერცხის ცილა და გული განვაცალკევოთ ერთმანეთისაგან. კვერცხის ცილა ავთქვიფოთ გათეთრებამდე, ნელ–ნელა დავამატოთ კვერცხის გული, შემდეგ  ფქვილი, გამაფხვიერებელი, კაკაო და კარგად ავუროთ. მომზადებული მასა დავასხათ  პირველ ფენას  (ქოქოსის ფენას) შევდგათ 180* ტემპერატურაზე გაცხელებულ აირღუმელში და ვაცხოთ 25–30 წუთის განმავლობაში.

კრემის მომზადება:

კვერცხის გულს დავამატოთ, შაქარი, ვანილი, რძე და ვადუღოთ წყლის აბაზანაზე შესქელებამდე. მომზადების შემდეგ გავაცივოთ და ავთქვიფოთ დარბილებულ კარაქთან ერთად. მომზადებული კრემი წავუსვათ გამომცხვარ ბისკვიტს და შევინახოთ მაცივარში 1 საათით.

გლაზურის (მინანქარის) მომზადება:

შოკოლადს დავამატოთ 3 ს/კ. რძე, ვანილი, 50გრ. კარაქი და ვადუღოთ ნელ ცეცხლზე, როდესაც ადუღდება, გადმოვდგათ, ცოტა გავაცივოთ და მოვასხათ ნამცხვარს. ნამცხვარი შევინახოთ მაცივარში 1 საათით შემდეგ დავჭრათ სასურველი ფორმის ნაჭრებად.