მსხლის და ნუშის
ხაჭაპური (ოსური)
მასალა:
ცომი:
პურის ფქვილი 400გრ.
კვერცხი 1ც.
რძე 100გრ.
კეფირი 300გრ.
კარაქი 30გრ.
შაქარი 1 ჩ/კ.
საფუარი (დროჟი) 1 ჩ/კ.
ცოტა მარილი.
შიგთავსი:
მსხალი (რბილი) 500–600გრ.
ნუში (მოხალული) 200გრ.
შაქარი და ვანილი გემოვნებით.
მომზადება:
რძე გავათბოთ, დავამატოთ საფუარი, შაქარი,
ცოტა ფქვილი და გავაჩეროთ რამოდენიმე წუთი. შემდეგ დავამატოთ კეფირი, გამდნარი
კარაქი, კვერცხი, მარილი, ფქვილი და მოვზილოთ ცომი. მომზადებული ცომს გადავაფაროთ
ტილო და დავდგათ თბილ ადგილზე ამოსასვლელად (ამოსვლის პერიოდში ერთხელ
გადავზილოთ). შემდეგ მომზადებული ცომი გავყოთ ორ ნაწილად, ერთი ნაწილი გავაბრტყელოთ
თითებით ფქვილმოყრილ ზედაპირზე, ცომის ცენტრში მოვათავსოთ მომზადებული შიგთავსი,
შევახვიოთ ხინკლისებურად, თითებით გავაბრტყელოთ, მოვათავსოთ მშრალ გამოსაცხობ
ფორმაზე (ფორმას არაფერი არ წავუსვათ), ცომი ცენტრის ირგვლივ რამოდენიმე ადგილზე
დავსეროთ დანით, რათა გამოვიდეს ორთქლი, შევდგათ აირღუმელში და გამოვაცხოთ.
გამოცხობის შემდეგ ცხელ ხაჭაპურს წავუსვათ კარაქი. (მეორე ხაჭაპურიც ასევე
გამოვაცხოთ).
შიგთავსის მომზადება:
მსახლი გავასუფთავოთ და დავჭრათ თხლად,
წვრილ ნაჭრებად (კანიანად), შემდეგ დავამატოთ წვრილად დაჭრილი ნუში, მოვაყაროთ
შაქარი, ვანილი და კარგად ავურიოთ.
|
