ნამცხვარი ნიგვზით

მასალა:

ცომი:

პურის ფქვილი 1,5 ჭიქა

კვერცხი 3ც.

შაქარი 1 ჭიქა

სგუშონი 1/2 ქილა

მაიონეზი 200მლ.

სოდა 1 ჩ/კ.

ძმარი 1 ს/კ.

კრემი:

არაჟანი 1 ჭიქა

შაქარი 1/2 ჭიქა

ლიმონი 1ც.

მოსაყრელად:

მიწის თხილი ან ნიგოზი გემოვნებით.

მომზადება:

კვერცხი ავთქვიფოთ შაქართან ერთად, დავამატოთ სგუშონი, მაიონეზი, ფქვილი, სოდა–ძმარით (ათქვეფილი) და მოვამზადოთ ცომი (ცომს უნდა ქონდეს სქელი არაჟნის კონსისტენცია). ცომი გავყოთ სამ ნაწილად. გამოსაცხობ ფორმაში ჩავაფაროთ პერგამენტის ქაღალდი, წავუსვათ კარაქი, ჩავასხათ მომზადებული ცომი (ცომი უნდა ჩავასხათ გაცხელებულ ფორმაში) (ცომის სამივე ნაწილი გამოვაცხოთ ცალცალკე). ვაცხოთ 180–200* ტემპერატურაზე დაახლოებით 10–15 წუთი. ლიმონს დავასხათ ადუღებული წყალი, შემდეგ გავწუროთ და გავატაროთ ხორცსაკეპმანქანაში კანიანად. არაჟანი ავთქვიფოთ შაქართან ერთად, დავამატოთ გატარებული ლიმონი და კვლავ ავთქვიფოთ. მომზადებული კრემი წავუსვათ ბისკვიტებს, დავდოთ ბისკვიტი დავკრემოთ, მოვაყაროთ მოხალული მიწის თხილი ან ნიგოზი, შემდეგ დავადოთ მეორე ბისკვიტი დავკრემოთ, კვლავ დავაყაროთ მიწისთხილი, შემდეგ დავდოთ მესამე ბისკვიტი, დავკრემოთ,  მოვაყაროთ დაფხვილი მიწის თხილი ან ნიგოზი როგორც ზევიდან ასევე გვერდებზეც.