ღორის ხორცის მწვადი მწვანილით და ლიმონით
მასალა:
ღორის ხორცი 1კგ.
ლიმონი 1ც.
ქინძი 1 კონა
ხახვი 500გრ.
გაზიანი წყალი 1 ჭიქა
ძირა, შავი პილპილი, ბაჰარი და მარილი გემოვნებით.
მომზადება:
ხორცი გავრეცხოთ
და დავჭრათ სასურველ ნაჭრებად, მოვათავსოთ ჭურჭელში, დავამატოთ დანაყილი ძირა,
ბაჰარი, წვრილად დაჭრილი ქინძი, მრგვალად დაჭრილი ხახვი, მოვაყაროთ მარილი,
პილპილი, კარგად ავურიოთ. ლიმონი გავჭრათ შუაზე, ორივე ნაწილიდან გამოვწუროთ წვენი
და მოვასხათ ხორცს, შემდეგ დავამატოთ გაზიანი წყალი და კარგად ავურიოთ. შევდგათ
საყინულეში საათნახევარი. აღნიშნული დროის გასვლის შემდეგ როდესაც შამფურზე აცმას
დავიწყებთ, ჯერ ხორცი ავაცვათ შემდეგ ხახვი, (შეგვიძლია პომიდორიც ავაცვათ სურვილისამებრ),
ასეთი თანმიმდევრობით ავაცვათ ყველა შამფურზე და შევწვათ მაყალზე.
|
