წიწილის ჩახოხბილი

მასალა:

წიწილა 600გრ.

პომიდორი 200გრ.

ხახვი 100გრ.

ნიორი 30გრ.

ქინძი 10გრ.

ოხრახუში 15გრ.

უცხო სუნელი, ხმელი ქინძი, აჯიკა და მარილი გემოვნებით.

მომზადება:

წიწილა გავასუფთავოთ, დავჭრათ საშუალო ზომის ნაჭრებად, დავასხათ წყალი, მივიყვანოთ ადუღებამდე, ბულიონი გადმოვასხათ და შევწვათ წიწილა ზეთში, დავამატოთ წვრილად დაჭრილი ხახვი, დანაყილი ნიორი, აჯიკა, უცხო სუნელი, ხმელი ქინძი, 2 წუთი მოვთუშოთ, შემდეგ დავამატოთ წვრილად დაჭრილი პომიდორი, მოვთუშოთ 5 წუთი, დავასხათ ბულიონი გემოვნებით და ვთუშოთ 5–10 წუთი. მომზადებული ჩახოხბილი მოვათავსოთ ღრმა თეფშზე, მოვაყაროთ დაჭრილი ქინძი და მწვანე წიწაკა.