შუ

მასალა:

ცომი:

2 ჭიქა წყალი

200 გრ მარგარინი

2 ჭიქა ფქვილი

8 ცალი კვერცხი

სოდა დანის წვერზე

მარილი გემოვნებით.

კრემი:

კვერცხი 3ც.

შაქარი 1,5 ჩ/ჭ.

ფქვილი 6 ს/კ.

კარაქი 100გრ.

რძე 1,5ლ.

ვანილი 1ც.

ცომის მომზადება:

2 ჭიქა წყალი ავადუღოთ, 200 გრ. მარგარინი ჩავაგდოთ წყალში და ვადუღოთ, ჩავაცრათ 2 ჭიქა ფქვილი, ვშუშოთ ცოტა ხანი თან განუწყვეტლივ ვურიოთ. გადმოვდგათ გაზქურიდან და ცოტა რომ შეგრილდება ჩავახალოთ 8 ცალი კვერცხი (მთლიანად), ყველაფერი კარგად ავთქვიფოთ მიქსერით. ჩავაყაროთ მარილი და სოდა დანის წვერზე და ისევ ვურიოთ. მომზადებული ცომი კოვზით დავალაგოთ ცხიმწასმულ ჟარონაზე ბურთულებად და გამოვაცხოთ. პატარა ზომის შუ გამოდის ჩაის კოვზებით და დიდი ზომის საშუალო სადილის კოვზით. გამომცხვარი ბურთები გავჭრათ შუაზე და შევავსოთ კრემით. 

კრემის მომზადება:

კვერცხის გულისა და შაქრისაგან გავაკეთოთ გოგლი–მოგლი, დავამატოთ ფქვილი, ადურებული რძე და კარგად ავთქვიფოთ მიქსერით, დავდგათ ნელ ცეცხლზე და მივიყვანოთ ადუღებამდე. დუღილისას კრემს ვურევთ განუწყვეტლივ ხის კოვზით. შემდეგ გადმოვდგათ გაზქურიდან, დავუმატოთ მიქსერით ათქვეფილი კარაქი, ვანილი და კვლავ ავთქვიფოთ.