სალათი "გილოცავთ ახალ წელს”

მასალა:

კარტოფილი 4ც.

შებოლილი ქათამი ან კალმარები 200გრ.

მჟავე კიტრი 2ც.

კვერცხი 3ც.

ვაშლი 1ც. (სურვილისამებრ, შეგვიძლია არ ვუქნათ)

ყველი 150-200გრ.

ნიორი 1-2 კბილი

მაიონეზი, მარილი და პილპილი გემოვნებით.

ბროწეულის მარცვლები, ჭარხალი და მწვანილი მოსართავად.

მომზადება:

კარტოფილი გავრეცხოთ, მოვხარშოთ, გავფრცქვნათ და გავხეხოთ მსხვილად. კვერცხი მოვხარშოთ, გავაგრილოთ, გავასუფთავოთ და გავხეხოთ. გავხეხოთ ყველიც. კიტრი დავჭრათ წვრილ ჯოხებად, ან კუბიკებად. ქათამიც პატარა ნაჭრებად დავჭრათ. ვაშლი გავთალოთ, გავხეხოთ და მოვასხათ ლიმონის წვენი, რომ არ გამუქდეს.  მაიონეზი შევურიოთ დაჭყლეტილ ნიორს. სალათი ფენებად უნდა დავალაგოთ. თითოეულ ფენას მაიონეზი წავუსვათ და ოდნავ მარილიც მოვაყაროთ, თუ საჭიროა, ზოგ ფენას – პილპილიც.

I ფენა: გახეხილი კარტოფილი

II ფენა: მჟავე კიტრის ნახევარი

III ფენა: შებოლილი ქათამი და მოხარშული კალმარები

IV ფენა: დარჩენილი კიტრი

V ფენა: კვერცხი

VI ფენა: ვაშლი (სურვილისამებრ)

VII ფენა: ყველი

სალათს ზევიდან კარგად წავუსვათ მაიონეზი და მწვანილითა და ბროწეულის მარცვლებით მოვრთოთ.