საქონლის ენა  ნაღების სოუსში ქართულად

მასალა:

საქონლის ენა (მოხარშული) 1,5კგ.

ხახვი 2 თავი.

სოკო (გაყინული) 500გრ.

ნიგოზი 2 ჭიქა

ნიორი 4–5 კბილი

ნაღები 500 მლ.

კარაქი შესაწვავად

ოხრახუში, კამა, წიწაკა და მარილი გემოვნებით.

მომზადება:

მოხარშული ენა დავჭრათ დიდი ზომის ნაჭრებად, მოვათავსოთ გამოსაცხობ ფორმაზე. ტაფაზე გავადნოთ კარაქი, დავყაროთ მასზე მრგვალად დაჭრილი ხახვი და ცოტათი მოვბრაწოთ, შემდეგ დავამატოთ დაჭრილი სოკო, გავაჩეროთ გაზქურაზე 2–3 განუწყვეტლივ ვურიოთ. ნიგოზი და ნიორი გავატაროთ ხორცსაკეპმანქანაში ისე რომ ნიგოზს ზეთი გამოუვიდეს. ნიგვზიან მასას შევურიოთ ნაღები, მოვაყაროთ მარილი, წიწაკა და კარგად ავურიოთ. დაჭრილ ენაზე მოვათავსოთ სოკო–ხახვით, მოვასხათ ნიგვზიანი სოუსი, დავაფაროთ სახურავი ან დავფაროთ ფოლგით და შევდგათ გაცხელებულ (150* გაცხელებულ) აირღუმელში დაახლოებით 40 წუთით. მომზადების შემდეგ მოვაყაროთ დაჭრილი მწვანილი, გავაფორმოთ პომიდორით. სუფრაზე გავიტანოთ ცხლად.