საქონლის ენა არაჟანში

მასალა:

საქონლის ენა 1ც.

არაჟანი  500გრ.

პომიდორი  400გრ. ან ტომატის წვენი 1 ჭიქა

კარაქი  100გრ.

კვერცხი  3–4ც.

ხახვი  3-4 თავი

ვაშლისან ღვინის ძმარი  2 ს/კ.

პურის ფქვილი  1 ს/კ.

ქინძი, ოხრახუში, წიწაკის მარცვლები, დაფქვილი წიწაკა და მარილი გემოვნებით.

მომზადება:

წყალში ჩავყაროთ მარილი, წიწაკის მარცვლები,ჩავდოთ გარეცხილი ენა და მოვხარშოთ. მოხარშული ენა ამოვიღოთ, ჩავდოთ ცივ წყალში და გავაცალოთ კანი. გასუფთავებული ენა დავჭრათ 1 სმ. ნაჭრებად. ხახვი დავჭრათ, შევწვათ კარაქის ნახევარში, დავამატოთ დაჭრილი ენა, ფქვილი და შევწვათ 5 წუთის განმავლობაში, შემდეგ ენას დავადოთ მრგვალად დაჭრილი პომიდორი (ან ტომატი), მოვასხათ ძმარი და გავაცხელოთ 5 წუთი. დავამატოთ არაჟანი, წვრილად დაჭრილი მწვანილები, მოვაყაროთ მარილი, წიწაკა. მიღებულ მასას მოვასხათ ათქვეფილი კვერცხი და შევდგათ აირღუმელში გამოსაცხობად. მომზადების შემდეგ მოვასხათ დარჩენილი კარაქი და მოვაყაროთ წვრილად დაჭრილი მწვანილი.