ფახლავა
მასალა:
ცომი:
კვერცხი 1ც.
წყალი 1 ჭიქა
ძმარი 3 ს/კ.
ზეთი 3 ს/კ.
პურის ფქვილი 3 ჭიქა
მარგარინი 300გრ.
შიგთავსი:
თაფლი 500გრ.
გატარებული ნიგოზი 400გრ.
მომზადება:
კვერცხი ავთქვიფოთ მიქსერით, დავასხათ წყალი (ოთახის ტემპერატურის),
ძმარი, ზეთი, დავაყაროთ ფქვილი და მოვზილოთ მაგარი ცომი. გავყოთ 2 ნაწილად,
თითოეული ნაწილი გავაბრტყელოთ, წავუსვათ 50გრ. მარგარინი, დავკეცოთ
კონვერტისებურად და შევინახოთ მაცივარში (15–20წთ.). ეს პროცესი გავიმეოროთ
სამჯერ. შემდეგ ორივე ცომი გამოვიღოთ მაცივრიდან, თითოეული გავყოთ სამ ნაწილად,
გავაბრტყელოთ ცალ–ცალკე თხლად, გამოსაცხობ ფორმას წავუსვათ მარგარინი, დავადოთ 1
ცალი გაბრტყელებული ცომი, წავუსვათ მომზადებული შიგთავსი, დავაფაროთ მეორე ცომი და
ასე გავიმეოროთ ბოლომდე, ბოლო ფენას წავუსვათ ნიგვზიანი შიგთავსი. ფახლავა
გამოვაცხოთ 150* ტემპერატურაზე გაცხელებულ აირღუმელში 45 წუთის განმავლობაში. (თუ
თაფლი ცოტა გვაქვს შეგვიძლია ცომს წავუსვათ ჯერ თაფლი და შემდეგ მოვაყაროთ
ნიგოზი).
შიგთავსის მომზადება:
თაფლი გავადნოთ წყლის აბაზანაზე, დავამატოთ გატარებული ნიგოზი, კარგად
ავურიოთ და გავაჩეროთ წყლის აბაზანაზე რათა თაფლი არ გაცივდეს.
|
