ხევსურის ხინკალი

მასალა:

ცხვრის ხორცი 500გრ.

კვერცხი 1ც.

ფქვილი რამდენაც შეიზელს

ძირა და მარილი გემოვნებით.

მომზადება:

ხორცი გავასუფთავოთ, გავრეცხოთ, დავკეპოთ ძალიან წვრილ ნაჭრებად. მოვაყაროთ დაფქული ძირა, მარილი და კარგად ავურიოთ. ჯამში ჩავყაროთ ფქვილი, დავამატოთ წყალი, 1ც. კვერცხი, მარილი და მოვზილოთ რბილი ცომი. ხორცის ფარში და ცომი მოცულობით დაახლოებით ერთნაირი უნდა იყოს. ცომი გავაბრტყელოთ, სამზარეულო დაფაზე. ჭიქით, ან ხინკლის მოსაჭრელი სპეციალური ხის ფორმით მოვჭრათ ცომის წრე, რომელზედაც კოვზით დავდოთ ხორცის თხელი ფარში, ცომის ნაპირები ამოვკეცოთ ისე, რომ გაჩნდეს „ნაოჭი". „ნაოჭები" ზევით მხარეს შევაერთოთ, ზედმეტი ცომი მოვწყვიტოთ. ხინკალს უნდა ჰქონდეს მრგვალი ფორმა. ხინკალი ჩავუშვათ მდუღარე, მარილიან წყალში, ქვაბი ოდნავ შევანჯღრიოთ, რომ ხინკლები ამოცურდნენ ზევით, როცა წყალი კვლავ ადუღდება, ვხარშოთ 5–10 წუთი. მოხარშული ხინკალი ქაფქირით ამოვიღოთ, მაგიდასთან მივიტანოთ ცხელი.