ხაჭოს ბურთები

მასალა:

ცომი:

პურის ფქვილი 450გრ.

საფუარი (დროჟი) 20–30გრ.

რძე 1 და 1/4 ჭიქა

შაქარი 2 ს/კ.

ზეთი 3 ს/კ.

მარილი 0,5 ჩ/კ.

კვერცხის გული (ყვითრი) 2ც. წასასმელად.

შიგთავსი:

ხაჭო 500გრ.

შაქარი 4 ს/კ.

კვერცხის გული (ყვითრი) 4ც.

არაჟანი 2 ს/კ.

ზეთი 2 ს/კ.

პურის ფქვილი 1 ს/კ.

ლიმონის კანი გახეხილი (ცედრა) ან ვანილი გემოვნებით.

მომზადება:

რძეს დავამატოთ შაქარი, საფუარი, ზეთი, მარილი, პურის ფქვილი და მოვზილოთ ცომი, გადავაფაროთ ტილო და დავდგათ თბილ ადგილზე ამოსასვლელად, ამოსვლის პერიოდში ორჯერ გადავზილოთ. მომზადებული ცომი გავყოთ 16 ნაწილად, თითოეული ნაწილი გავაბრტყელოთ მრგვალად, დავაწყოთ პერგამენტდაფარებულ, გამოსაცხობ ფორმაზე და გავაჩეროთ 10 წუთით ამოსასვლელად, შემდეგ თითოეულ ცომს ცენტრში დავაწვეთ ჭიქის ძირით, რათა ცომებს გაუკეთდეს კიდეები და სიღრმე. ცომის კიდეებს წავუსვათ ათქვეფილი კვერცხის გული, ხოლო ცარიელი ადგილები ამოვავსოთ მომზადებული შიგთავსით. გამოვაცხოთ 220–230* ტემპერატურაზე გაცხელებულ აირღუმელში.

შიგთავსის მომზადება:

ხაჭოს დავამატოთ ზეთი, არაჟანი, ლიმონის ცედრა, პურის ფქვილი, კვერცხთან ერთად ათქვეფილი შაქარი და კარგად ავურიოთ.