ქათმის ხარჩო

მასალა:

ქათმის 1ც.

პომიდორი  800გრ.

ხახვი  4 თავი

ნიორი  3-4 კბილი

ნიგოზი  1 ჭიქა

დაფქვილი ზაფრანა 1 ჩ/კ.

ნიახური  4 ძირი

ქინძი 4 ძირი

დაფქვილი წითელი წიწაკა და მარილი გემოვნებით.

მომზადება:

ქათამი გავასუფთავოთ, გავრეცხოთ და დავჭრათ საშუალო ზომის ნაჭრებად (30–40 გრამის რომ იყოს).  დავასხათ 4 ლიტრი წყალი, ავადუღოთ, მოვხადოთ ქაფი და ვხარშოთ დაბალ ტემპერატურაზე. მომზადებამდე 15 წუთით ადრე დავამატოთ წვრილად დაჭრილი ხახვი. პომიდორს დავასხათ ცხელი წყალი, გავხეხოთ და ვთუშოთ 10 წუთის განმავლობაში. ნიგოზი, ნიორი, ქინძი, ნიახური, გავატაროთ, დავამატოთ წიწაკა, მარილი, ზაფრანა, შევურიოთ პომიდორს და მხარშოთ კიდევ 5 წუთი. მიღებული მასა ჩავასხათ სუპში, ადუღების შემდეგ ვხარშოთ 5 წუთი. სუფრაზე მიტანის წინ გავაფორმოთ მწვანილებით.