ეკლერი

მასალა:

ცომი:

პურის ფქვილი 1 ჭიქა

კვერცხი 4ც.

წყალი 1 ჭიქა

ნაღების კარაქი ან მარგარინი 80–100გრ.

ცოტა მარილი.

კრემი:

კვერცხი 3ც.

შაქარი 1,5 ჩ/ჭ.

ფქვილი 6 ს/კ.

კარაქი  200გრ.

რძე 1,5ლ.

ვანილი 1ც.

მომზადება:

ცომის მომზადება:

ქვაბში ჩავასხათ წყალი, ჩავდოთ მარგარინი ან ქარაქი, მოვაყაროთ მარილი, დავდგათ გაზქურაზე და ავადუღოთ აღნიშნული მასა. როდესაც მასა ადუღდება გადმოვდგათ გაზქურიდან და თანდათან ვყაროთ გაცრილი ფქვილი, ინტენსიურად ვურიოთ ცომს ხის კოვზით. კვლავ დავდგათ ცომიანი ქვაბი ნელ ცეცხლზე და ვუიროთ რბილი მასის მიღებამდე. (ცომი ადვილად უნდა ცილდებოდეს ქვაბის ძირს და გვერდებს). გადმოვდგათ ქვაბი გაზქურიდან და გავაცივოთ ცომი. გაციებულ ცომში სათითაოდ ჩავახალოთ კვერცხი და ვურიოთ ერთიანი მასის მირებამდე. გამზადებული ცომი უნდა იყოს ერთიანი, ბრწყინვალე და საკმარისად მაგარი, რათა არ დადნეს ჟარონაზე. მასა უნდა გამოვაცხოთ მაშინმე ცომის მომზადების შემდეგ.ცხიმწასმულ ჟარონაზე საკონდიტრო მოსართავის საშუალებით ცომი დავასხათ 5–6 სმ. სიგრძეში და სიგანეში 2–3 სმ. (ფორმები უნდა დავასხათ 3–5 სმ–ის დაშორებით, იმიტომ რომ 2–ჯერ დიდდებიან სიგანეში. ეკლერი გამოვაცხოთ პირველი 15–20 წუთი 200*-ზე(ეკლერი უნდა გადიდდეს და შეწითლდეს), შემდეგ ტემპერატურა შევამციროთ 150*–მდე  არ გავაჩეროთ 10–15 წუთის განმავლობაში. გამოცხობის შემდეგ გავაცივოთ, გავჭრათ შუაზე ისე, რომ მთლიანად არ გაიხსნას და დავკრემოთ მოხარშული კრემით. თავზე შეგვიძლია მოვასხათ შოკოლადის მინანქარი (გლაზური) ან გამდნარი შოკოლადი.

კრემის მომზადება:

კვერცხის გულისა და შაქრისაგან გავაკეთოთ გოგლი–მოგლი, დავამატოთ ფქვილი, ადუღებული რძე და კარგად ავთქვიფოთ მიქსერით, დავდგათ ნელ ცეცხლზე და მივიყვანოთ ადუღებამდე. დუღილისას კრემს ვურევთ განუწყვეტლივ ხის კოვზით. შემდეგ გადმოვდგათ გაზქურიდან, გავაცივოთ, დავუმატოთ მიქსერით ათქვეფილი კარაქი, ვანილი და კვლავ ავთქვიფოთ.