დაჭრილი წითელი პამიდორი (ზამთრისათვის)

მასალა:

წითელი პამიდორი  5 კგ.

ბულგარული წიწაკა  1 კგ.

მწვანილი, მარილი - გემოვნებით.

მომზადება:

საღი, წითელი პამიდორი გადავარჩიოთ, გავრეცხოთ და დავჭრათ წვრილად, ისე როგორც სადილისათვის ვჭრით (პამდორი შეიძლება იყოს კანიანად და შეიძლება კანგაცლილიც), შევდგათ ცეცხლზე და ავადუღოთ. ადუღებისთანავე ჩავყაროთ წვრილად დაჭრილი ბულგარული წიწაკა, ოხრახუში, რეჰანი; ვხარშოთ 25-30 წუთი, შევაგემოთ მარილით და გადმოვდგათ; დავაყოვნოთ დაახლოებით 5 წუთი, რომ ცოტა შეგრილდეს; ჩავასხათ მშრალ ქილებში და ცხელივე მოვხუფოთ თუნუქის სახურავებით. ქილები გავაცივოთ გადმობრუნებულ მდგომარეობაში (სტერილიზაცია არ უნდა).