ასკილის კომპოტი

მასალა:

500გრ. ასკილი (ხმელი)

800გრ.შაქარი

2ც. დარიჩინის ჩხირი

1ც. ფორთოხლის წვენი.

მომზადება:

ასკილს დავასხათ 1,5 ლიტრი ადუღებული წყალი, გავაჩეროთ 8–10 საათი. შემდეგ ამოვიღოთ და მოვაჭრათ ბუსუსები თავზე. ქვაბში ჩავასხათ ასკილის ნახარში, დავუმატოთ დარიჩინი და შაქარი, ვადუღოთ შაქრის გადნობამდე ნელ ცეცხლზე. შემდეგ ჩავყაროთ ასკილი, დავასხათ ფორთოხლის წვენი. გადმოვდგათ გაზქურიდან და დავაფაროთ თავზე თავსახური, ესე გავაჩეროთ 8–12 საათი. დროის გასვლის შემდეგ ასკილი ამოვიღოთ საწურზე (სიროპი შევინახოთ) ჩავყაროთ 3 ლიტრიან ქილაში,  შენახული სიროპი ვადუღოთ ნელ ცეცხლზე 5 წუთი და ჩავასხათ ასკილიან ქილაში, დავაფაროთ სახურავი, სახურავზე მოვათავსოთ ქვა ან რაიმე სიმძიმე. ვხარშოთ 10–12 წუთი და შემდეგ მოვხუფოთ.