არაჟნიანი ჩაშუშული

მასალა:

ხორცი 1კგ.

კარტოფილი 800გრ.

ხახვი 1 თავი

კარაქი 50გრ.

ბულიონი 1 ჩ/ჭ.

დაფნის ფოთოლი 1–2ც.

არაჟანი 100გრ.

წიწაკა და მარილი გემოვნებით

ქინძი, კამა და სალათის ფოთლები მოსაყრელად.

მომზადება:

800გრ. მსხვილად დაჭრილი კარტოფილი ჩავაწყოთ ქვაბში, მოვაყაროთ 1 კგ. დაჭრილი მოხარშული ხორცი, 1 თავი დაკეპილი ხახვი, მოვასხათ 50გრ. გამდნარი კარაქი, 1 ჩ/ჭ ბულიონი, 1-2 დაფნის ფოთოლი, დავდგათ დაბალ ცეცხლზე და ვშუშოთ, ოღონდ არ მოვურიოთ. 0,5 ჩ/ჭ ბულიონში ავთქვიფოთ 100 გრ არაჟანი, მარილი, წიწაკა _ გემოვნებით. როცა კარტოფილი მზად იქნება და ბულიონი ამოშრება, კარგად ამოვურიოთ, მოვასხათ არაჟნიანი სოუსი და შევდგათ ჰაერღუმელში თავღია. როცა ზედაპირი შეიბრაწება, გამოვიღოთ, გადავიტანოთ ლანგარზე, მოვაყაროთ დაკეპილი ქინძი, კამა და მოვრთოთ სალათის ფოთლებით. სუფრაზე ცხლად უნდა მივიტანოთ.