ალუბლის საწებელი

მასალა:

3–4 კგ. ალუბალი

3 დიდი თავი ახალი ნიორი

3-4 მოზრდილი კონა აყვავებული ქინძი, თესლებიანი

3-4 საშუალო ზომის  ქონდარი, ნედლი ან ომბალო

ხმელი წითელი წიწაკა 1ც.

მარილი გემოვნებით.

მომზადება:

გარეცხილი ალუბალი მოვათავსოთ ქვაბში და დაბალ ცეცხლზე დავდგათ. წყალი არ დავამატოთ. ალუბალი რომ ჩაითუთქება და წვენს გამოუშვებს, გამოვრთოთ ცეცხლი და გავაცივოთ. ქინძი გავარჩიოთ, გავაცალოთ ფოთლები, მწვანე თესლები ცალკე მოვაგროვოთ. ქონდარიც გავრეცხოთ და ფოთლები გავაცალოთ. გავარჩიოთ ნიორი. ქინძის თესლები ცოტაოდენ მარილთან ერთად დავნაყოთ სანაყში, წიწაკას გავაცალოთ თესლი და მხოლოდ წითელი ნაწილი გამოვიყენოთ ხორცსაკეპში გავატაროთ მწვანილი, ნიორი და წიწაკა, გაციებულ ალუბალს გადავუწუროთ წვენი ცალკე ჭურჭელში, ალუბლები კი გავხეხოთ თუშფალანგზე, მიღებული მასა თუ სქელი გამოვიდა, შეგვიძლია გადაწურული წვენის საშუალებით სასურველ კონსისტენციამდე გავათხელოთ. მიღებული მასა წამოვადუღოთ და შევაზავოთ მწვანილის მასით, დავამატოთ მარილი, თუ მჟავე გამოვიდა, ცოტაოდენი შაქრის დამატებაც შეგვიძლია. თუ საწებლის ზამთრისთვის შენახვა გვსურს, ქილებში ჩასხმულს სტერილიზაცია გავუკეთოთ და მოვხუფოთ.